All for Joomla All for Webmasters

Продолжува акцијата за спасување на децата во Тајланд

Почна денешната операција на спасување на останатите 8 момчиња и тренерот во Тајланд. Министерството за внатрешни работи информирало дека истите нуркачи што вчера влегле во пештерата и извадиле четири момчиња, влегле и денеска.

 

За четирите момчиња спасени од пештерите Там Луанг беше соопштено дека се со „добро здравје“, иако сѐ уште се чекаат резултати од тестовите. Сите четири момчиња се на безбедно и се лекуваат во болница во Чианг Раи, најблискиот град.

 

Тие сѐ уште не се во можност да ги видат своите семејства, иако висок официјален претставник за здравство изјави дека тие треба да бидат во можност да ги видат подоцна денеска, но да нема „гушкање и допирање“ додека не се добијат резултатите од тестот.

 

Операцијата за спасување требаше да продолжи меѓу 7 до 17 часот по локално време денес. Координаторот на спасувањето рече дека на нуркачите им требаат помеѓу 10 и 20 часа да се одморат и да се подготват за работата денеска.

 

Останатите осум момчиња и нивниот тренер остануваат под земја на првичната локација во близина на плажата Патаја.

 

Спасувачкиот тим што во неделата вечер ги извади четирите момчиња е составен од 13 странски нуркачи и пет тајландски маринци.

 

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.