Судот одлучи: Порно ѕвездата, која поднесе тужба против Трамп, ќе плати казна и судски трошоци
- Детали
- Категорија: Свет
- Создадено: 12 Декември 2018
Федералниот судија нареди порно ѕвездата Бура Даниелс да му плати на Доналд Трамп близу 293.000 долари за хонорари на неговите адвокати, како и 1.000 долари казна, откако нејзина жалба за клевета против претседателот беше одбиена, јавија американските медиуми.
Адвокатот на Трамп, Чарлс Хардер имаше побарување од околу 390.000 долари.
Бура Даниелс тврдеше дека имала афера со Трамп во 2006 година и од него добила 130.000 долари за да премолчи. Плаќањето и било направено неколку дена пред претседателските избори во 2016 година.
Порно ѕвездата поднесе тужба против шефот на државата откако тој ги отфрли нејзините тврдења дека имале сексуални односи и дека од него и било забрането, кога во 2011 година се согласила да даде интервју за аферата.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
