1-ва Скопска - МТМ Телевизија

Бродовите се закотвени во грчките пристаништа, а железничките услуги се стопирани денеска бидејќи транспортните работници штрајкуваат и бараат повисоки плати за да се справат со зголемените животни трошоци. Дури и автобусите и таксистите денеска не работат, па многу патишта во центарот на Атина се пренатрупани бидејќи жителите сами се возат на работа.

Денеска, во Хрватска се одржуваат редовни парламентарни избори на кои право на глас имаат околу 3,7 милиони гласачи.

Првиот потпретседател на Владата на Србија и министер за надворешни работи Ивица Дачиќ изјави дека Резолуцијата за геноцидот во Сребреница за која денеска треба да се разговара во ОН не придонесува за помирување и консензус и посочи дека она што се случи во Сребреница не може да се квалификува како геноцид бидејќи се знае што подразбира дефиницијата на тој термин.

Осомничените за убиството на Данка Илиќ (2), Срѓан Јанковиќ и Дејан Драгијевиќ утрово пристигнаа во Вишото јавно обвинителство во Заечар.

Ставот на израелскиот воен кабинет е дека Иран треба да продолжи да погодува каков ќе биде одговорот на Израел на иранскиот напад, изјавил неименуван израелски функционер за „The Times of Israel“.

Силниот дожд во утринските часови на територијата на Западна Србија прерасна во лапавица и снег, а на Златибор веќе е формирана снежна покривка.

Во градот Џанкој, на Крим, се слушнале експлозии во околината на воениот аеродром во близина на овој град, изјавиле жителите, а пренесува „Укринформ“.

Најмалку 800 луѓе се евакуирани во индонезиската провинција Северен Сулавеси по повеќекратните ерупции на тамошниот вулкан Руанг, кој со денови исфрлаше лава и облаци од пепел, соопшти денеска државната вулканолошка агенција.

Соработката меѓу Кина и Германија не е ризик, туку гаранција за стабилни односи и можност за иднината, изјави денеска во Пекинг кинескиот претседател Шји Џјинпинг во време кога Европската Унија се жали на кинеските производи, кои ги преплавуваат европските пазари. Индустриските и синџирите на снабдување на Кина и Германија се длабоко испреплетени, а нивните пазари се крајно меѓусебно зависни, му рече Шји на германскиот канцелар Олаф Шолц, кој е во тридневна посета на Кина.

Недостигот од ракети за противвоздушна одбрана ја спречи Украина да го спречи рускиот ракетен напад минатата недела, кој ја уништи најголемата електрана во регионот околу главниот град Киев, изјави украинскиот претседател Володимир Зеленски, пренесе Ројтерс.

Момче (14) од Арика, Италија, доживеа трагична судбина кога со другарите го посети езерото Неми. Паднал од дрво по стрмна карпа од 40 метри и загинал.

Воениот кабинет на Израел ќе се состане денеска за да го разгледа одговорот на иранскиот напад со беспилотни летала и ракети, изјави израелски претставник за „Си-Ен-Ен“.

Британскиот премиер Риши Сунак се соочува со нов бунт во неговата партија поради плановите да им се забрани на младите да користат цигари.

Смртни закани до американскиот амбасадор Кристофер Хил и професорот од Универзитетот во Нови Сад Динко Грухоњиќ се појавија на социјалните мрежи, по вчерашната посета на амбасадорот на Филозофскиот факултет.

Најмалку 20 тела во фаза на распаѓање се пронајдени во чамец во близина на брегот на североисточниот дел на Бразил, соопштија официјални лица.

Светлана Драгијевиќ, мајката на Дејан Драгијевиќ, кој е главен осомничен за убиството на девојчето Данка Илиќ, пристигна во Вишото јавно обвинителство во Заечар каде ќе биде сослушана.

Светлана Драгијевиќ, мајката на Дејан Драгијевиќ, кој е осомничен за убиството на двегодишната Данка Илиќ го искористи законското право да не сведочи во обвинителството.

Австралиската полиција го прогласи прободувањето со нож во црква во Сиднеј за верски мотивиран „терористички чин“.