Промоција на видео игра „Франтикс“ на која работеше тим од Македонија
- Детали
- Категорија: Технологија
- Создадено: 07 Март 2018
Во Младинскиот културен центар вечер ќе биде промовирана видео-игра „Франтикс“ (Frantics), наменета за светски пазар, а на која работеше тим Македонци. На играта две години работеа седумдесетина артисти, дизајнери, програмери и тестери, од кои 27 се од Македонија.
- Возбудени сме што конечно можеме да говориме за „Франтикс“, една од првите игри, којашто е ексклузивна за плејлинк-платформата, којашто подразбира комбинирање паметни телефони, телевизија и Плејстејшн 4. Фактот дека преку телефон може да се игра на Плејстејшн, говори за отворени можности, кои гарантираат забава и ново искуство. „Франтикс“ е многу социјална игра, којашто открива нови технологии и начини на комуникација, вели Дајана Димовска, косопственичка на „Напнок гејмс“, која стои зад „Франтикс“.
Станува збор за игра, која на четири играчи ќе им овозможи забава преку различни мини-игри.
Направена е во копродукција со „Сони плејстејшн“, што подразбира директна соработка со еден од најголемите светски издавачи на видео-игри.
„Напнок гејмс“ е компанија што постои седум години и досега има добиено бројни награди од областа на видео-игрите. Има свои претставништва во Копенхаген, Париз, Минеаполис и Скопје.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс