Сообраќајна сигнализација за поголема безбедност пред училиштата
- Детали
- Категорија: Аеродром
- Создадено: 09 Мај 2018
Општина Аеродром од денеска почнува со поставување вертикална и сообраќајна сигнализација пред дел од основните училишта, со цел зголемување на безбедноста на учениците и останатите учесници во сообраќајот.
Првата фаза опфаќа обележување пешачки премини и поставување сообраќајни знаци на улицата пред основното училиште „Александар Македонски“ и клонот „Сонце“ на детската градинка „Буба Мара“ во Реонски центар, како и на улицата пред основното училиште „Блаже Конески“ во населбата Мичурин.
Во наредниот период се планира поставување вертикална и хоризонтална сигнализација и пред основното училиште „Браќа Миладиновци“ во населбата Острово.
Општина Аеродром за овој проект од својот Буџет издвои околу милион денари.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс