Општина Аеродром ќе набавува механизација за чистење
- Детали
- Категорија: Аеродром
- Создадено: 03 Септември 2018
Акцијата за чистење на јавните градски претпријатија денеска продолжува во Општина Аеродром.
Ќе се чисти низ цела општина според направен план на најкритичните точки, а екипи на ЈП,,Комунална хигиена,, ќе ги чисти и мие и споредните улици во општината.
Градоначалникот на Општина Аеродром, Златко Марин рече дека општината има сериозен проблем со хигиената и токму поради тоа обезбедени се средствата од Буџетот на општината за набавка на сопствена механизација за одржување на парковите, како и ангажирање фирма за одржување на хигиената во текот на целата година, што значи дека таа фирма би се грижела и за чистењето на снегот во зимскиот период.
Акцијата за чистење започна од Општина Ѓорче Петров, а ќе се одвива во сите скопски општини. За акцијата во Аеродром ангажирани се 120 лица од општината и над 100 лица вработени во Јавните претпријатија.
Директорите на јавните претпријатија Комунална хигиена и Паркови и зеленило Абдусамет Шабани и Адриан Муча апелираат до граѓаните да им се приклучат кон акцијата, да внимаваат и да ја чуваат чиста животната средина.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс