Општина Аеродром се вклучи во масовната акција за чистење депонии
- Детали
- Категорија: Аеродром
- Создадено: 24 Април 2019
Вработените во администрацијата на Општина Аеродром денеска учествуваа во масовната акција за чистење диви депонии „Биди дел од чиста иднина", во организација на Град Скопје и ЈП „Комунална хигиена".
Администрацијата од Општина Аеродром чистеше на потегот покрај Транспортниот центар, во непосредна близина на кејот на реката Вардар.
Во акцијата учествуваше администрацијата од сите скопски општини, студентите од скопските универзитети, претставници од невладиниот сектор, како и од основните и средните училишта.
– Целта на оваа масовна акција е подигнување на јавната свест за штетноста од несовесното постапување со отпадот и опасноста од создавањето диви депонии што директно ја загрозуваат животната околина и претставуваат закана за здравјето на граѓаните, се вели во соопштението од Општина Аеродром.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс