Општина Аеродром апелира до граѓаните да не поставуваат штетни материи на јавни површини
- Детали
- Категорија: Аеродром
- Создадено: 17 Мај 2019
Општина Аеродром апелира до граѓаните да не поставуваат штетни материи на јавни површини, кои претставуваат опасност за домашните миленици, бездомните животни и децата што си играат во парковите.
Локалната самоуправа добила информации дека на јавните површини во општината има расфрлено отров, со што се загрозува животот на животните и на луѓето.
– Инспекциските служби на Општина Аеродром се на терен, а сезонските работници го пребаруваат секој сомнителен реон, информираа од Општина Аеродром.
Повикуваат, доколку забележите супстанција за која сметате дека е опасна, пријавете во полициската станица „Аеродром" на телефонскиот број 02/2432-362, нагласувајќи дека исклучително е важно да не допирате ништо и да не ја напуштате локацијата сѐ додека не дојде претставник од полициската станица.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс