Наставниците од општина Аеродром почнаа со вакцинација

Наставниците од основните училишта во општина Аеродром масовно се одзиваат на вакцинацијата против Ковид-19 што се спроведува во вакциналниот пункт во СЦ „Борис Трајковски“.

Оваа фаза од вакцинацијата ги опфаќа наставниците од прво до трето одделение, кои веќе извесен период спроведуваат настава со физичко присуство и вршат воспитно-образовна дејност во исклучителни услови, а во наредниот период ќе бидат вакцинирани и наставниците што спроведуваат онлајн настава, како и техничкиот персонал на училиштата.

„Многу сум задоволен што наставниците се одзиваат во голем број и со тоа покажуваат грижа не само за своето здравје туку и за здравјето на учениците и на нивните семејства. Им благодарам за одговорноста и за грижата за новите генерации“, порача градоначалникот Златко Марин.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.