Информативна сесија за повикот за владините економски мерки
- Детали
- Категорија: Бизнис
- Создадено: 08 Мај 2018
Во Стопанската комора на Македонија денеска ќе се одржи информативна сесија за отворениот јавен повик на Фондот за иновации и технолошки развој за доставување предлог-проекти за користење на мерките од третиот столб на владиниот План за економски раст.
На настанот е најавено обраќање на директорот на Фондот за иновации и технолошки развој Јован Деспотовски.
Со повикот се одвоени три милиони евра поддршка за проекти на мали и средни претпријатија, а буџетот за сите мерките од третиот столб изнесува 10,5 милиони евра.
Со повикот се опфатени четири инструменти: поддршка на малите и средни компании со тенденција на брз пораст – „газели“, поддршка на микро претпријатија, поддршка на подобрување на иновативноста и поддршка за стручно усовршување и пракса на нововработение млади лица до 29 години. Станува збор за кофинансирани грантови за мали и средни претпријатија, кадешто државата станува партнер, преку директна финансиска поддршка во инвестициските проекти на компаниите.
Првиот јавен повик за поддршка на мали и средни претпријатија е отворен до 11 јуни 2018 година.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс