All for Joomla All for Webmasters

Цените на производителите на индустриски производи повисоки за 0,9 проценти

Индустриско производство

Продажните цени на производителите на индустриски производи, вкупно месечно се на исто ниво како и претходниот месец, а се повисоки за 0,9 отсто на годишно ниво, објави Државниот завод за статистика.


Според податоците продажните цени на производителите на индустриски производи на странски пазари се пониски за 0,2 отсто на месечно ниво, а се повисоки за 1,6 отсто на годишно ниво.


Во април 2018, во споредба со март 2018 година, продажните цени на производителите на индустриски производи, вкупно, се пониски во секторот рударство и вадење камен за 4,7 отсто, а се повисоки во секторот преработувачка индустрија за 0,4 отсто и во секторот снабдување со електрична енергија, гас, пареа и климатизација за 0,7 отсто.


Во април 2018, во споредба со април 2017 година, продажните цени на производителите на индустриски производи, вкупно, се повисоки во секторот рударство и вадење камен за 0,6 отсто и во секторот преработувачка индустрија за 1,2 отсто, а во секторот снабдување со електрична енергија, гас, пареа и климатизација се пониски за 2,6 отсто.


Според податоците на Државниот завод за статистика, во април 2018, продажните цени на производителите на индустриски производи на странски пазари се пониски за 0,2 отсто на месечно ниво, а се повисоки за 1,6 отсто на годишно ниво.


Во април 2018, во споредба со март 2018, продажните цени на производителите на индустриски производи на странски пазари се пониски во секторот рударство и вадење камен за 5,8 отсто, а во секторот преработувачка индустрија се повисоки за 0,4 отсто.


Во април 2018, во споредба со април 2017 година, продажните цени на производителите на индустриски производи на странски пазари се повисоки во секторот рударство и вадење камен за 7,4 отсто, а во секторот преработувачка индустрија за  еден отсто.

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.
       

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.