1-ва Скопска - МТМ Телевизија

Француската компанија „Винчи Ерпортс Сербија“ го презеде управувањето со белградскиот аеродром со концесија на 25 години, за време на кои Србија како мнозински сопственик ќе оствари вкупна добивка од околу 1,5 милијарди евра, од кои директните инвестиции во инфраструктурата изнесуваат околу 730 милиони евра.

Аеродромот „Никола Тесла“ останува во сопственост на своите акционери, меѓу кои државата Србија е мнозински сопственик со 83,5 отсто од акциите.

Како што е најавено, аеродромот ќе биде центар на француската компанија за Југоисточна Европа, од каде ќе го развива меѓународниот сообраќај, пред се интерконтинентални летови.