1-ва Скопска - МТМ Телевизија

Поради коронавирусот би можеле да банкротираат 50 отсто од авиокомпаниите во светот до крајот на мај, со оглед на тоа дека веќе се откажани 420.000 летови.

Авиоиндустријата е една од најпогодените гранки од пандемијата на коронавирусот.Луѓето престанаа да патуваат поради страв од зараза и многу земји привремено го прекинаа целиот воздушен сообраќај.

Според Меѓународното здружение за воздушен сообраќај (ИАТА), 420.000 летови веќе се откажани до 30 јуни, при што загубите на приходите од авиокомпанијата се проценуваат на повеќе од 113 милијарди американски долари.

Букингот падна за 50 проценти во март, 40 проценти во април и 25 проценти во мај.Затоа, ИАТА проценува дека на авиокомпаниите низ целиот свет ќе им бидат потребни до 200 милијарди американски државни за да преживеат.

Според проценките на Центарот за авијација, 50% од авиокомпаниите ќе банкротираат до крајот на мај поради коронавирусот.Центарот предупредува дека резервите на готовина на авиокомпаниите се намалуваат брзо, бидејќи флотите се приземјени и велат дека е потребна координирана акција од страна на владите и индустријата за да се избегне катастрофа.