Русија подготвена да го намали производството на нафта за 1,6 милиони барели дневно
- Детали
- Категорија: Бизнис
- Создадено: 09 Април 2020
Според договорот што го постигна со земјите на ОПЕК, Русија соопшти дека е подготвена да го намали производството на нафта за 14 проценти, или 1,6 милиони барели на ден, изјави неименуван официјален претставник на руското Министерство за енергетика.
„Ја потврдувам нашата подготвеност да го намалиме производството на руска нафта за 1,6 милиони барели на ден“, изјавил официјалниот претставник на Кремљ.
Според некои извори, во новиот договор се вклучени САД, Мексико, Норвешка, Канада и други земји и се предвидува да се намали глобалното производство за 70 милиони барели на ден.Видео-сесија за падот на светските производство на нафта на земјите од ОПЕК се очекува да се одржи денеска.
Рускиот претседател Владимир Путин порано изјави дека Москва е подготвена да го намали производството на нафта само доколку другите светски производители на нафта, вклучително и САД, се согласат да го сторат истото.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
