1-ва Скопска - МТМ Телевизија

Заклучно со 7 мај, од одобрените 631 кредитни апликации за „Ковид1“ бескаматната линија од 4,7 милиони евра, се исплатени вкупно 2,2 милиони евра за 257 компании кои вработуваат 3.006 лица, односно 41% од одобрените апликанти, изјави потпретседателот на СДСМ, Коста Петров.

„Од првата група одобрени кредитни апликации, која Владата ја одобри на 8 април за 136 компании со 1737 вработени, се исплатени 93% од апликантите. Од втората група одобрени апликации, која Владата ја одобри на седница на 14 април за 118 компании со 1116 вработени, се исплатени 89% од компаниите. Третата група кредитни апликации која Владата ја одобри на 28-ми април за 377 компании со 2735 вработени, се исплатени 7% од компаниите. Исплатата на компаниите се прави редовно, секој работен ден, како што се завршуваат административните процедури започнувајќи од 15 април кога се исплатија првите средства од оваа кредитна линија.

Тој додаде дека за бескаматната кредитна линија КОВИД 2 од 8 милиони евра, која беше отворена и за која пријавите се уште се во тек, веќе аплицирале над 2400 компании. За финансиската поддршка од 14,500 денари по вработен, за која работодавачите можеа да аплицираат до 7 мај, за месец април поднесени се вкупно 23 861 Барањa, а се однесуваат за 21 542 компании.

За оваа мерка имаат аплицирано и 6.000 самостојни вршители на дејност или повеќе од 45% од регистрираните. Овие бројки кажуваат дека секоја трета компанија има аплицирано за финансиска помош до 14.500 денари за исплата на плата по вработен.

Економскиот совет на СДСМ, вели Петров, во моментов работи и на нов пакет мерки за директна поддршка за граѓаните и домаќинствата преку јакнење на јавната и приватната потрошувачка.

„Веќе гледаме како некои индустрии се добри примери кои видоа можности и ги искористија во оваа криза. Текстилните компании направија брза адаптација, па така извозот на маски, скафандери и друга заштитна опрема е речиси за 300% поголем со април минатата година, април 2020 изнесува 390 милиони денари, а април 2019 изнесува 135 милиони денари.

Истото, го гледаме и во земјоделството каде имаме зголемен извоз на раноградинарски култури.

СДСМ покажа дека нашите мерки носеле и ќе носат резултати. За тоа зборуваат и проекциите од Светската Банка според кои се проценува дека Северна Македонија најдобро ќе се справи со економскиот удар од кризата од сите земји во регионот“ нагласи потпретседателот на СДСМ.