Словенија побара помош од ЕУ за заштита на работните места

Словенечката влада аплицираше за финансиска поддршка преку инструментот SURE за програми за заштита на работните места вредни вкупно 1,1 милијарда евра.

Инструментот SURE е една од трите безбедносни мрежи во вредност од вкупно 540 милијарди евра и е наменет за зачувување работни места во компаниите и земјите членки на ЕУ преку поволни заеми, пишуваат словенечките медиуми, пренесува агенцијата Хина.

Во барањето за финансирање од тој извор, Словенија изјави дека добиените средства ќе ги искористи за мерки за субвенционирање на чекање за работа и работа со скратено работно време, за финансирање на основните приходи и за ослободување од плаќање придонеси на самовработени во микро претпријатија и за слични случаи.

Инструментот SURE треба да започне да функционира откако сите членки на ЕУ ќе обезбедат гаранција за заеднички заем, а истиот треба да биде достапен до крајот на 2022 година, а во случај кризната состојба да продолжи или да се повтори уште подолго.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.