Од полноќ пониски цени на дизелот и бензините
- Детали
- Категорија: Бизнис
- Создадено: 29 Март 2021
Регулаторната комисија за енергетика денеска донесе одлука да изврши намалување на малопродажните цени на нафтените деривати, во однос на цените одредени минатата недела.
Со оваа одлука, малопродажните цени на бензините и на Екстра лесното масло за домаќинство (ЕЛ-1) се намалуваат за 1 денар по литар, додека пак цената на дизелот се намалува за 1,50 денар.
Така, од вечерва на полноќ литар ЕУРОСУПЕР БС- 95 ќе се продава за 66 денари, ЕУРОСУПЕР БС-98 за 68 денари, додека цената на ЕУРОДИЗЕЛ (Д-Е V) ќе изнесува 55 денари по литар.
Намалување има и кај цените на Екстра лесното масло за домаќинство (ЕЛ-1) и мазутот, кои од полноќ ќе можат да се купат за 44,50 денари по литар, односно 34,426 денари за килограм.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
