Од денеска почнува изградбата на атмосферска канализација на улицата ,,Александар Урдаревски" во Бутел

Општина Бутел и Град Скопје од денеска ќе почнат со изградба на атмосферска канализација на улицата „Александар Урдаревски", на потегот од кружниот тек до улицата „Бутелска".

 

Како што информира општина Бутел, работите ќе се одвиваат во две фази. Првата фаза ќе ја опфати делницата од кружниот тек до семафорите, а работите ќе траат еден месец.

 

Општината ги информира граѓаните дека ќе биде променет режимот на сообраќај. Во наредните 30 дена тој ќе се одвива по улицата „Хо Ши Мин",  преку улицата „Цетинска" или пак преку новата делница на  булеварот „Христијан Тодоровски-Карпош" и улицата „Натанаил Кучевишки".

 

За граѓаните што гравитираат кон Градските гробишта и општината Чучер Сандево, сообраќајот ќе се одвива преку улицата „Боца Иванова" до кружниот тек и обратно. 

 

 





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.