Општина Бутел ќе соработува со општини од Србија
- Детали
- Категорија: Бутел
- Создадено: 29 Октомври 2018
Во рамки на Проектот “Партнерство и изградба на капацитети, пат до одржлив развој” градоначалникот на Општина Бутел, Велимир Смилевски учествуваше на форум за поврзување/вмрежување и конференција“Учиме од соседите” во Скопје.
Целта на собирот е вмрежување на локалната самоуправа на општини од Македонија и Србија со цел создавање партнерства за заеднички настап во програмата за прекугранична соработка Србија – Македонија чиј почеток се очекува до крајот на годинава.
На првиот ден беше претставен проектот и ИПА програмата за ,,Прекугранична соработка на Србија и Македонија 2016-2020. Исто така, беа претставени општините од Јабланичкиот и Пчињскиот округ од Србија и Северозападниот и Скопскиот регион во Македонија.
Присутните градоначалници потпишаа и меморандум за соработка со кој треба да се унапреди соработката и вмрежувањето на градовите и општините од Србија и Македонија.
На меѓународната конференција беше претставена програмата ,,Учиме од соседите,, на која беа презентирани примери на добри практики од соседните програми: Србија-Бугарија, Македонија- Бугарија и Македонија – Грција.
.be
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс