Реконструкција на собиралиштето на пензионерите од Бутел 1
- Детали
- Категорија: Бутел
- Создадено: 21 Септември 2021
Пензионерите на територија на Општина Бутел, гордост од минатото и многу важен дел на сегашноста добија честитка за „Денот на пензионерите“ од страна на градоначалникот Велимир Смилевски, информираат од општината.
„Не смееме да дозволиме никој да ги занемари Вашите искуства и знаења стекнати низ животот. Во овие тешки времиња на пандемија покажавте голема одговорност, почитувајќи ги мерките, особено во делот на имунизацијата, за што сме Ви благодарни. Воедно, Ви го честитаме и 75 годишниот јубилеј од формирањето на „Сојузот на пензионери“. Останете во добро здравје, здраво стареење и среќни пензионерски денови“, се вели во честитката.
Инаку, Смилевски само пред неколку дена лично ги информираше пензионерите за напредокот на реновирањето на објектот, во кој тие ќе се собираат и дружат, кој претходно се користел за други намени, но и како Народна кујна.
Од општината додаваат дека во тек е комплетна промена во внатрешниот дел на објектот, се поставува нов под и нови врати и прозорци.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс