Нов асфалт и осветлување на дел од ул. „Самоилова" на Кале
- Детали
- Категорија: Центар
- Создадено: 06 Јули 2018
Нов асфалт и улично осветлување се ставени на крак од улицата „Самоилова“ на Кале, кој води до Музејот на современа уметност.
Реконструираниот дел на улицата е со површина од 3.200 метри квадратни и должина од 500 метри.
Општина Центар соопшти дека стариот, дотраен и оштетен асфалт е заменет со нов и висококвалитетен и дека кракот од оваа улица е реконструиран по повеќе од 20 години во соработка со Град Скопје.
- На улицата „Самоилова“ има и ново улично осветлување, а поставена е и нова хоризонтална сигнализација со цел да се обезбеди поголема безбедност на пешаците и нормален тек на сообраќајот на возилата, информира општина Центар, најавувајќи реконструкција и на улиците „Димитар Пандилов“ и „Ганчо Хаџи-Панзов“.
Во тек е санација на улицата „Ѓуро Ѓоновиќ“ во Маџир Маало и на улиците „Петричка“ и „Велешка“, а привршува и реконструкцијата на улицата „171“ во населбата Крњево.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс