Чаир
Есенска акција со чистење на Општина Чаир
- Детали
- Создадено: 26 Септември 2019
Екипите на ЈП „Комунална хигиена“ денеска почнаа есенска акција за генерално чистење на Општина Чаир.
Од ЈП „Комунална хигиена“ информираат дека во оваа акција рачно и машински ќе се мијат и метат главните и сервисните улици, ќе се отстрануваат дивите депонии, додека ќе се чистат и дворовите на сите образовни институции во оваа скопска општина.
Почетокот на акцијата го означија директорот на ЈП „Комунална хигиена“, Абдусамед Шабани, заменик-градоначалникот на Град Скопје, Енвер Малиќи, градоначалникот на Општина Чаир, Висар Ганиу и олимпискиот шампион во борење Шабан Трстена, со посета на ООУ „Цветан Димов“.
– Во основното училиште „Цветан Димов“ беше организирана екоманифестација и предавање за совесното и правилно постапување со отпадот, се вели во соопштението.
Директорот Шабани истакна дека на овој начин сакат да ја подигнат еколошката свест кај најмладата популација, дека хигиената и чистотата зависат од сите нас.
– Секој со своите постапки може да придонесе за заштита на животната средина, а најдобрата почетна точка е чистењето и одржувањето на хигиената во својот двор и непосредната околина каде што живееме, учиме и работиме, изјави Шабани.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс