All for Joomla All for Webmasters

Масовно чистење на Гази Баба со нова механизација и зголемена работна сила

Масовно чистење на Гази Баба

Општина Гази Баба започна со решавање на проблемот со одржувањето на хигиената во општината. Градоначалникот Борис Георгиевски најави дека Општина Гази Баба во иднина ќе биде чиста и зелена општина.

 

За таа цел градоначалникот најави подобра организираност на Јавното комунално претпријатие Гази Баба а обезбедена е нова опрема, зголемен е бројот на сезонски работници од 38 на 70, обезбеден е магацински процтор а се подготвува и нов објецт на ЈКП со површина од 300м2. Градоначалникот Георгиевски додаде дека го решаваат и проблемот со водоснабдувањето.


Градоначалникот Георгиевски додаде, започнато е чистењето и на дивите депонии. Од следната недела најави голема акција за чистење на депониите заедно со Градот Скопје на 8 локации.


Директорот на Јавното комунално претпријатие Гази Баба, Влатко Митовски потенцираше дека лошата организираност и слабата опременост биле голем проблем за тоа што претпријатието не ги извршувало редовно задачите до сега. Митовски нагласи дека заедно со градоначалникот започнуваат процес за набавка на нова опрема за комуналното претпријатие, како би можело ефикасно да се извршуваат сите работни обврски.


Митовски додаде дека во рамките на ЈКП постои и работилница за изработка на урбана опрема, корпи за отпадоци, клупи, мали фонтани, летниковци, истата е опремена со нов алат за работа а урбаната опрема ја поставуваат на целата територија од општината. Исто така, Митовски најави од понеделник ќе биде активна телефонска линија на која граѓаните ќе можат преку Viber да пријават било каков отпад, со слика и точна локација.

 

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.
       

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.