All for Joomla All for Webmasters

Факултетите од Гази Баба со добри можности за идните студент

Општина Гази Баба

Матурантите од Општина Гази Баба имаа можност да се запознаат подетално со програмите и насоките што ги нудат факултетите на територија на Општина Гази Баба, во рамки на Отворените денови што денеска се одржаа на плоштадот Автокоманда.

 

Како што истакна градоначалникот Борис Георгиевски овие отворени денови се организираат за прв пат во општината, за да можат на едно место да се информираат идните студенти за можностите кои ги нудат факултетите. Градоначалникот Георгиевски додаде дека факултетите денес нудат повеќе можности во повеќе области. Станува збор за тешки наставни програм, како што се ПМФ, Земјоделски факултет или Шумарски факултет. Но овие гранки кои ги нудат токму овие факултети се и дефицитарни во државата, а со тоа и понудата за вработување е поголема.


Ректорот на УКИМ проф. д-р Никола Јанкуловски истакна дека идните студент ќе се запознаат со наставните програми кои ги има над 100-тина, кои се кредитирани и усогласени со европскиот кредит трансфер систем и болоњската декларација, кои постојано се осовременуваат за да бидат усогласени на европските препораки и директиви од овие области.


Ректорот Јанкуловски додаде дека интересот на студентите е сеуште задоволителен, така што универзитетот е задоволен со бројот на студентите кои се запишуваат на овие факултети.


Инаку на Отворениот ден имаше претставници од ПМФ, од Шумарски факултет, Ветеринарен факултет, факултетот за дизајн и технологии на мебел и ентериер како и Земјоделски факултет.


Покрај презентацијата на факултетите присутните се забавуваа со културно уметничката програма во организација на Општина Гази Баба.

 

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.
       

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.