All for Joomla All for Webmasters

Мултифунционален објект во Сингелиќ за побрзи услуги за граѓаните

Интензивно се работи на комплетна реконструкција на објектот кај игралиштето Фортуна во Сингелиќ кој треба да стане мултифункционален објект и да ги доближи административните услуги до граѓаните.

 

Во овој објект ќе биде сместена и канцеларијата за превенција која градоначалникот на Општина Гази Баба, Борис Георгиевски ја најави на првата седница на локалниот совет за превенција, која заедно со канцеларијата за превенција во Стајковци треба да стави крај на прекршоците и нарушувањата на јавниот ред и мир кои често се случуваат на овој дел, односно црната точка од Сингелиќ до Стајковци.

 

Со овие две канцеларии за превенција во најкритичните места во Гази Баба се очекува работата на Локалниот совет за превенција и присуството на терен да влијае на безбедноста во општината и да се превенира воопшто да не се случуваат несакани настани со кои се нарушува јавниот ред и мир и се загрозува безбедноста на граѓаните.

 

Во овој објект кој што 20 години бил нефункционален, а после поплавата во август 2016 бил надвор од секаква употреба, покрај канцеларијата за превенција, ќе бидат сместени и месната канцеларија и канцеларија на министерството за труд и социјална политика и тука ќе се издаваат изводи од матичните книги.

 

Целта на мултифункционалниот објект чија што реконструкција треба да заврши до крајот на летото е што поблиску и на побрз начин граѓаните да добиваат услуги.

 

 

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.
       

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.