1-ва Скопска - МТМ Телевизија

Во парк шумата Гази Баба почна поставувањето на бетонска подлога за новата фитнес зона.

Како што соопштија од Гази Баба наскоро граѓаните ќе добијат ново катче за спортување и рекреација.

Фитнес зоната ќе се простира на површина од 200 метри квадратни, а реквизитите кои ќе бидат поставени, ќе бидат прилагодени за секоја воздраст, а дел од нив ќе бидат и адаптирани за лица со хендикеп.

Општина Гази Баба е една од ретките општини кои посветува големо внимание на спортот и спортските активности. Вакви фитнес зони треба да се постават во секоја општина, со цел да се развива спортскиот дух кај младите.