Општина Гази Баба го презема работењето на добиточниот пазар
- Детали
- Категорија: Гази Баба
- Создадено: 27 Ноември 2018
Општина Гази Баба им излезе во пресрет на сточарите кои беа оставени на улица да го продаваат својот добиток. Јавното комунално претпријатие” Гази Баба 2007” од денеска започнува со вршење на основната дејност односно бесплатно влегување и наплата, додека останатите работи и понатаму ќе ги вршат соодветни органи, информираат од општината.
Градоначалникот на општина Гази Баба, Борис Георгиевски соопшти дека за овој чекор го известил и општинскиот совет кој треба да даде зелено светло за целосно комплетирање на документацијата која треба да ја поседува ЈКП Гази Баба 2007.
Според него, добиточниот пазар ќе остане на истата локација, а општина Гази Баба, преку ЈКП Гази Баба ќе се залага за да ги подобри условите и третманот за стопанисување, да обезбеди основи како во лето така и во зима, а особено обезбедување на хигиена и третман на животните. Георгиевски вели само со изнаоѓање на трајно решавање на проблемите, граѓаните ќе бидат задоволни.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс