1-ва Скопска - МТМ Телевизија

Училиштата од општина Ѓорче Петров ја продолжуваат соработката со училиштата од општина Разлог од Бугарија, во рамки на проектот Do and Learn, односно создај и научи, кој има за цел да развие соодветна примена на предавањата за обновливите видови енергија преку практична примена.

Во таа насока, денеска тим од наставници од општина Разлог, предводена од заменик градоначалникот Иван Гуров, ја посетија општината, а потоа и основното училиште Мирче Ацев, кое предводник на овој голем проект во кој ќе бидат опфатени вкупно 16 училишта, шест од Македонија и 10 од Бугарија.

Како што информираше градоначалникот на општина Ѓорче Петров, проектот трае веќе две години, и е во втората половина од неговата имплементација.

Координаторот на проектот, Антонио Павлов, нагласи дека очекувањата се дека повеќе од 300 ученици ќе ги подобрат познавањата од областа на обновливата енергија, така што ќе бидат вклучени во овој проект.

Проектот Do and Learn, преку теоретски пристап предвидува промоција на сите видови опрема за соларна употреба во образовниот рпеоцес, со теоретски пристап и практичен пристап со обезбедување на соларна опрема со можност за монтажа и демонтажа.