Априлијада во Ѓорче Петров, награди за најкреативните маски
- Детали
- Категорија: Ѓорче Петров
- Создадено: 01 Април 2019
60 најкреативни маски од шест основни училишта од општина Ѓорче Петров денеска беа дел од маскенбалот кој секоја година го организира општина Ѓорче Петров. Креативноста на децата, но и на родителите навистина нема граници, а во тоа се уверивме и самите. Во реонскиот парк во Ѓорче Петров денеска сретнавме, кутија за пуканки, вазна со цвеќе, пролетни кралици, комити и индијанци. За најдобрите општината подготви и награди.
На ,,Априлијада 2019,, учествуваа деца од сите шест основни и две подрачни училишта и градинката Росица.
Жири комисијата ќе избере по една најдобра маска од сите училишта, а потоа од нив ќе биде избрана и маска на општината.
Раководителката на одделението за јавни дејности, Соња Палчевска Ќосева им порача на најмладите, но и на повозрасните секој ден да им биде исполнет со смеа, како денешниов.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс