All for Joomla All for Webmasters

Изградба на инфраструктура за собирање отпадни води во Скопје

Собирање отпадни води

Во населбата Ново Лисиче во општина Аеродром денеска почнаа градежни работи  за ИПА 2 проектот „Подобрување на инфраструктурата за собирање на отпадните води во градот Скопје“.

 

Со изградбата на колекторите на левиот и десниот брег на реката Вардар, Градот Скопје успешно ќе ги собира урбаните отпадни води со што санитарно-хигиенските услови во централното градско подрачје ќе бидат значително подобрени. Изградбата на овој колекторски систем е предуслов за изградба на главната пречистителна станица за отпадни води за градот Скопје, чија градба ќе започне во 2020 година.

 

Проектниот договор предвидува изградба на колектор на десниот брег на реката Вардар во должина од 3,4 км и тоа од булевар „Србија“ до Железничкиот мост при што во него ќе се слеваат отпадните води од постојната пумпна станица „Горно Лисиче“, потоа зградба на колектор на левиот брег на реката Вардар во должина од 4,5 км од точката на моменталното празнење на постојната канализациска мрежа до железничката пруга и изградба на колектор од пумпната станица „Макошпед“ до поврзувањето со новиот главен колектор на левиот брег на реката Вардар.

 

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.
       

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.