1-ва Скопска - МТМ Телевизија

Црвениот крст на Град Скопје со доделување благодарници и признанија за придонес во крводарителството денеска го одбележа Светскиот ден на крводарителството, а воедно одбележа и 5 години од работењето на дневниот центар за дарување крв во Даре Џамбаз, каде што за 5 години биле собрани 9.369 единици крв.

Под мотото ,,Биди тука за другите. Дарувај крв. Сподели живот,, Црвениот крст на Град Скопје денеска го одбележа Светскиот ден на крводарителството 14-ти јуни и петгодишната успешна работа на Дневниот центар за дарување крв вопросториите на Даре Џамбаз. Акцент на овогодинешната кампања е крводарителството како чин на солидарност, преку кој се нагласуваат основните човечки вредности. За 5 години активно работење на Дневниот центар за дарување крв реализирани се вкупно 9.369 единици крв од самоиницијативни дарувања како и од дарувања на акции реализирани во просториите на дневниот центар.

Градоначалникот Шилегов кој денеска го посети Дневниот центар за дарување крв рече дека преку овој дневен центар идеја со е да се помогнеме на што е можно повеќе луѓе, а секогаш ќе бидат помогнати од градот крводарителските акции.

Како дел од денешното одбележување на Светскиот ден на крводарителството беа доделени благодарници и плакети на организации и институции за нивниот придонес за промоција и унапредување на крводарителството во Скопје.