Привремен сообраќаен режим на улиците „Димитрие Чуповски“ и „11 Октомври“

Утре на улиците „Димитрие Чуповски“ и „11 Октомври“ ќе има привремен сообраќаен режим.

 

Поради одржување на активностите од Европската недела на мобилноста 2018, утре од 10 до 14 часот за сообраќај ќе бидат затворени делови од улиците „Димитрие Чуповски“ и „11 Октомври“, на потегот од крстосницата со улицата „Даме Груев“ и булеварот „ВМРО“ до улицата „Филип Втори Македонски“. Сообраќајот ќе биде пренасочен по околните улици.

 

- Возилата на јавниот градски превоз што ги опслужуваат линиите што застануваат на автобуските стојалишта „Центар Рекорд“, а се движат од запад кон исток ќе бидат пренасочени преку улицата „Даме Груев“. Возилата на јавниот градски превоз кои се движат од исток кон запад ќе бидат пренасочени преку улицата „Свети Кирил и Методиј“, соопшти Град Скопје. 



Градските власти апелираат учесниците во сообраќајот да се придржуваат на привремено воведениот режим на сообраќај и брзината на движење да ја приспособат на условите на патот.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.