1-ва Скопска - МТМ Телевизија

Во знак на одбележување на Денот на мирот, денеска градоначалниците на општина Чаир, и на Град Скопје, Петре Шилегов и Висар Ганиу го промовираа новиот парк на улица „ Дижонска“ во вкупна површина од 5. 860 метри квадратни.

Поставена е и нова хидрантска мрежа со систем за полевање со прскалки. Реконструкцијата опфати хортикултурно уредување на јавната зелена површина, отстранување на шутот и подигање нов тревник. Како што истакна Шилегов, Чаир е општина со најголема густина на население, а за сметка на тоа, најмногу неискористени простори. Според него, еднакво внимание заслуживаат и општините од другата страна на Вардар.

 Хортикултурното уредување на паркот е во знакот на Северно атлантската организација. Висар Ганиу, градоначалникот на о. Чаир апелираше за совесно однесување и чување на зеленилото и урбаната опрема во паркот.

Градските власти и општина Чаир изработија и план за создавање мрежа на велосипедски патеки на територијата на Чаир. Како прва етапа за нивната реализација е велосипедската патека на улицата „Втора македонска бригада“.