1-ва Скопска - МТМ Телевизија

Парни ваљак, македонски пејачи и диџеи, како и група од Косово, ова е понудата на Градот за прослава на новогодишната ноќ на плоштадот Македонија во Скопје.

Новогодишната програма ќе почне во 21 часот на Градскиот плоштад „Македонија" и ќе трае до еден часот по полноќ. Ова на денешната прес-конференција го соопштија скопскиот градоначалник Петре Шилегов и главниот извршен директор на Македонски телеком, Никола Љушев.

Покрај програмата за 31 декември, денеска беше соопштена и богатата предновогодишна програма која ќе започне од утре, а ќе содржи детски претстави, настапи на улични изведувачи, како и настапи на голем број македонски пејачи.

Главниот извршен директор на Македонски телеком, Никола Љушев, истакна дека Македонски Телеком финансиски ја поддржува прославата за новогодишната ноќ и се надева дека изборот на музичари ќе им се допадне на посетителите.

По се изгледа изборот на изведувачи им се допаднал и на граѓаните. Според нивните одговори на нашата анкета, плоштадот ќе биде вистински избор за дочек на новата година.

Меѓу присутните, на плоштадот Македонија, на 32 декември ќе биде и градоначалникот Петре Шилегов, кој нагласи дека никогаш не би го пропуштил настапот на Парни Ваљак.