1-ва Скопска - МТМ Телевизија

ЈСП Скопје ги информира корисниците на нивните улуги дека во продажба се пуштени нови електронски картички „Скопска“.

Станува збор за редизајн на персонализираните и неперсонализираните картички чија цена и функција останува непроменета.

Новите „Скопска“ имаат и холограмска заштита, која овозможува поголем степен на безбедност од злоупотреба. Идејата и одлуката за новиот дизајн на „Скопска“ е симболично врзанa со планираните новини кои ЈСП Скопје ќе ги реализира во текот на годинава како набавка на нови автобуси и корекции во системот за наплата.

Од претпријатието најавуваат воведување и на електронски билет за едно возење, а од месец јуни најавуваат имплементација и напредна апликација за смарт уреди со кои на граѓаните ќе им се овозможи максимална флексибилност при користење и купување на нашите услуги.

Паралено ќе биде извршена и надоградба на системот за електронска локација на возилата кој ќе овозможи попрецизно и визуелно иформирање на граѓаните со цел полесно планирање на патувањето.

Раководството на претпријатието е уверено дека сите овие новини ќе придонесат за значително зголемување на квалитетот на јавниот превоз во секој поглед.