1-ва Скопска - МТМ Телевизија

Сончевиот викенд, новите животни и новите живеалишта, беа причина скопската Зоолошка градина викендов да биде полна со посетители. Но причина плус беше и тоа што Зоолошката градина во Скопје доби нов жител, односно се роди мајмунче од видот белорак гибон.

– Белоракиот гибон е ендемски вид, а бебињата се раѓаат без или со многу малку крзно. Бебето гибон во првите месеци потсетува на вонземјанче, а во прегратките на мајката може да седи и до деветмесечна возраст – изјави Тина Мицковска, портпаролката на Зоолошката во Скопје. Тина во разговор за 1-ва скопска ги открива и плановите за зоолошката градина во наредниот период.

Ова не е прво бебе во зоолошката градина, бидејќи и претходно имаше едно мајмунче, потоа едно јаре, а веројатно ќе има и многу други принови. Зоолошката градина во Скопје е основана во 1926 година. Располага со 495 животни од 96 вида, и тоа цицачи, птици и влечуги. Зоолошката е отворена секој работен ден, од 9 до 18 часот.