Две сообраќајки во Скопје, едната со загинато лице
- Детали
- Категорија: Град Скопје
- Создадено: 17 Април 2019
Едно лице загинало во една од вкупно две сообраќајки што се случиле изминатите 24 часа на подрачјето на Град Скопје. Во другата сообраќајка полесно е повредено едно лице.
Според дневниот извештај на СВР Скопје, изминатото деноноќие се санкционирани 54 возачи кои возеле побрзо од дозволеното, а од сообраќај се исклучени 21 возач пред да се стекнат со правото на управување моторно возило и шест возачи почетници. Сообраќајната полиција исклучила од сообраќај и 15 нерегистрирани возила и едно технички неисправно возило.
За користење мобилен телефон сакционирани се 32 возачи, а за неносење сигурносен појас 17 возачи. Санкционирани се и осум возачи за неправилно престројување, како и тројца возачи кои не дале првенство на минување на пешаци на обележан пешачки премин. Евидентирани се и тројца возачи на мотор, мопед или мотоцикл поради тоа што не носеле заштитен шлем.
Од СВР Скопје информираат дека денеска ќе се реализираат едукативни работилници во СУГС „Сарај“, а во текот на вчерашниот ден во Кисела Вода е спроведена сообраќајна поука за граѓани кои направиле различни прекршоци во својство на возачи.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс