Во сообраќајки во Скопје повредени десет лица

На подрачјето на Град Скопје изминатото деноноќие се случиле 12 сообраќајни незгоди од кои во шест полесно се повредени 10 лица, а во шест е причинета материјална штета.

 

Според дневниот извештај на СВР Скопје, изминатите 24 часа сообраќајната полиција издала 97 казни за непрописно паркирање, а со специјалното возило „пајак“ подигнати се 81 возило.

 

Од сообраќај се исклучени 20 возачи кои возеле пред да се стекнат со правото на управување моторно возило и еден возач почетник, како и 22 нерегистрирани возила и три технички неисправни возила. Санкционирани се и 28 возачи кои возеле побрзо од дозволеното.

 

На црвено светло поминале осум возачи, неправилно се престроиле 10 возачи, а еден возач не дал првенство на минување на пешаци на обележан пешачки премин.

 

Извештајот на СВР Скопје покажува и дека 31 возач зборувале на мобилен телефон додека возеле и  седум возачи не носеле сигурносен појас.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.