Се запали двокатен автобус на ЈСП во Ѓорче Петров, нема повредени
- Детали
- Категорија: Град Скопје
- Создадено: 22 Август 2019
Двокатен автобус со број 5 на Јавното сообраќајно претпријатие – Скопје се запали изутринава во населбата Ѓорче Петров. Нема повредени патници. Причинета е само материјална штета.
Автобусот сообраќал од населбата Ѓорче Петров кон Ново Лисиче. Пожарот е пријавен во 09:25 часот во Територијалната противпожарна единица на Град Скопје, која интервенирала со две возила и шест пожарникари.
Од Јавното сообраќајно претпријатие информираат дека возачот на автобусот за време на возењето забележал чад од горниот дел на возилото по што застанал и со ПП апарати интервенирал. Во меѓувреме забележал и искрење по што повикал екипа на Противпожарната бригада.
Внатрешната контрола на ЈСП Скопје е излезена на терен и се утврдуваат причините за пожарот.
Во моментов, на терен се врши увид и од екипа на МВР.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс