По 35 години дигитална централа во Противпожарната бригада
- Детали
- Категорија: Град Скопје
- Создадено: 12 Септември 2019
Територијалната противпожарна бригада на Град Скопје по 35 години доби нова дигитална телефонска централа, која ќе ја замени старата, аналогна централа на која досега се примаа повиците за интервенции.
– Дигиталната централа е стигната. Треба да се монтира. Ќе имаме дигитална линија на 193 и сите повици ќе бидат снимени, односно ќе нема пријава на пожар што нема да биде регистрирана и снимена. Точно ќе знаеме кој се јавува и од каде се јавува, вели командантот на ТППЕ, Владимир Симоновски, во интервју за МИА што ќе биде дополнително објавено.
Посочува дека имале проблеми со старата централа и оти на нивно барање, Град Скопје ја има набавено новата централа.
Набавката на дигиталната централа ја најави и градоначалникот на Град Скопје, Петре Шилегов, на својата Фејсбук-страница во статус каде што говори за модернизацијата на Противпожарната единица на Град Скопје.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
