Советничка група на ВМРО-ДПМНЕ: Шилегов го узурпира Градот, за две недели одлуки за нови 423 партиски вработувања
- Детали
- Категорија: Град Скопје
- Создадено: 09 Октомври 2019
За еден месец Шилегов донесе одлуки за нови вработувања на 423 партиски војници, и притоа бесрамно говори за стручна и ефикасна администрација, обвини советничката група на ВМРО-ДПМНЕ.
„Додека лее крокодилски солзи за Градската куќа и прави криминална зделка за нејзина продажба, не му е тешко да продолжи со узурпацијата и партиски да вработува. Имаме превработување и силување на институциите кои се туркаат кон пропаст. Како тргнал трендот на груба партизација и две згради колку онаа на ЕСМ нема да бидат доволни да ја згрижат гломазната администрација на Шилегов.
Додека краде не заборава и да узурпира. За само две седници на Советот на град Скопје, Петре Шилегов предложи и од владејачкото мнозинство доби одобрение за нови 423 вработувања, од кои 186 директни вработувања во градот Скопје на определено и неопределено време, 73 во Водовод, и околу 170 во ЈСП.
Ниту е зголемен обемот на работа на градот и јавните претпријатија, ниту пак скопјани чувствуваат зголемен квалитет во добивањето на услуги од градот Скопје. Овие партиски вработувања се само згрижување на партиски војници кои ќе бидат на товарот на град Скопје и Скопјани. Информациите говорат дека над 1000 луѓе се вработени за две години владеење на Петре Шилегов“ соопшти советничката група на ВМРО-ДПМНЕ.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
