Град Скопје поднесе барање за дозвола за дистрибуција на енергија за затоплување
- Детали
- Категорија: Град Скопје
- Создадено: 15 Октомври 2019
Од Град Скопје соопштија дека вчера (14. октомври) до Регулаторна комисија поднеле барање за издавање лиценца за дистрибуција на топлинска енергија.
„Поднесена е документација со која се потврдува дека АД ГЕС-СКОПЈЕ е единствено правно лице кое има востановено трајно право на користење на инфраструктурни објекти, енергетска инфраструктура-топловоди во сопственост на Република Северна Македонија коишто се наоѓаат на подрачјето на Град Скопје“, информираат градските власти.
Покрај тоа, претпријатието Градски енергетски системи (ГЕС) доставило и информација за обезбедени финансиски средства за тековно работење и набавка на основни средства за дејноста, како и дека за вработување на стручните кадри се потребни максимум 45 дена.
Од Град Скопје истакнуваат дека со поднесување на барањето со документацијата, АД ГЕС-СКОПЈЕ ја започнало постапката за добивање на лиценца за дистрибуција на топлинска енергија.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
