1-ва Скопска - МТМ Телевизија

Екипите на Град Скопје се пристигнати во Драч и ставени на располагање на надлежните служби во Албанија.

Таму се веќе и нивните колеги од Италија. Заеднички ќе се обидат да спасат што е можно повеќе животи, објави на Фејсбук скопскиот градоначалник Петре Шилегов.

По серијата на земјотреси што ја погодија Албанија, а најмногу се почувствуваа во градот Драч, во кој има жртви и многу повредени, Градот Скопје веднаш испрати екипи за помош на настраданите.

Градот Скопје испрати две екипи, едната екипа е составена од четири пожарникари, а втората екипа е составена од двајца коишто ќе вршат снимање на самото место со термален дрон и термални камери, за да се откријат евентуални преживеани во урнатините, како и беспилотно летало коешто ќе врши 3Д мапирање на теренот со цел штетите коишто се настанати и оштетувањата на објектите да може да бидат како мапа достапни на спасувачките служби коишто се на самото место. За утре е закажана редовна седница на Советот на Град Скопје и ќе има вонредна точка за доделување парична или материјална помош