Анастасија и Габриел се близначињата кои се родија први во 2020 година
- Детали
- Категорија: Град Скопје
- Создадено: 01 Јануари 2020
Анастасија и Габриел се близначињата кои се родија први во 2020 година, на Клиниката за гинекологија и акушерство во Скопје. Тие се предвремено родени бебиња, кои на свет дојдоа со помош на ин витро оплодување по шестгодишна борба со стерилитет.
Анастасија е родена со 2 килограми и 360 грама, а Габриел со 1 килограм и 760 грама. Директорката на ГАК, Викторија Јовановска, градоначалникот на Скопје Петре Шилегов, министерката за труд и социјална политика Мила Царовска и заменик министерот за здравство Арменд Арслани утрово ги посетија мајката и бебињата.
Градоначалникот на Скопје Петре Шилегов им донесе плишани мечиња и вообичаениот паричен подарок.Шилегов се пошегува дека не очекувал близначиња, но сепак вработените во Град Скопје успеале да обезбедат слични подароци и за двете бебиња.
Заменик министерот за здравство изјави дека на ГАК, во одделот за неонатологија обезбедена е најсовремена апаратура од последната генерација.
Искра Манојлоска
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
