Се гради кружен тек во Чаир, меѓу улиците „Втора македонска бригада“ и „Кемал Сејфула“ (ВИДЕО)
- Детали
- Категорија: Град Скопје
- Создадено: 22 Јануари 2020
Екипите на Град Скопје денеска почнаа со изградба на кружен тек меѓу улиците „Втора македонска бригада“ и „Кемал Сејфула“, во општината Чаир. Градежните работи на новиот кружен тек се очекува да завршат за околу два месеца, во зависност од временските услови.
„Оваа локација ја одбравме токму поради тоа што густината на сообраќајот на оваа раскрсница е голема, а во близина се наоѓаат основно и средно училиште, како и Поликлиниката „Чаир“. За да ја зголемиме безбедноста во одвивањето на сообраќајот сега овде градиме кружен тек, а ќе се постави и водоводна и канализациона мрежа. Ќе бидат инсталирани и 40 нови канделабри со висина од 7 метри за да се осветли овој потег. Целата инвестиција на Град Скопје во овој проект е околу 19 милиони денари. Нашата крајна цел е во целиот град инфраструктурата рамномерно да се развива. Во минатото, овој дел од градот бил запоставен, нешто што сериозно го исправаме во изминативе две години“ рече градоначалникот Шилегов.
На почетокот на градежните работи на кружниот тек меѓу улиците Втора македонска бригада и Кемал Сејфула присуствуваше и градоначалникот на Општина Чаир, Висар Ганиу.
.be&fbclid=IwAR19wPIlTHdBD-3jPW3RwCgrNuNPszrTL8xTGvkPMpByLbLa79PkkboQuKE
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
