Расчистена депонијата под Калето, сопствениците задолжени да ја оградат и чистат парцелата
- Детали
- Категорија: Град Скопје
- Создадено: 17 Февруари 2020
Екипите на Град Скопје деновиве целосно го расчистија просторот под скопското Кале, кој пред само неколку недели беше претворен во дива населба и дива депонија и претставуваше извор на аерозагадување поради огновите што се палеа на отворено.
Бидејќи локацијата е всушност приватна сопственост, Град Скопје ги задолжи сопствениците да си го оградат местото и ги предупреди дека во иднина тие се одговорни да ја одржуваат хигиената на парцелата.
Град Скопје најавува засилени контроли и ригорозни казни за оние што ќе дозволат на своите парцели да се трупа ѓубре и да се создаваат диви депонии кои ја загадуваат и нагрдуваат животната средина и го загрозуваат здравјето на граѓаните.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс