Герила акција ги потсетува скопјани да избегнуваат блиски контакти за време на пандемијата
- Детали
- Категорија: Град Скопје
- Создадено: 16 Март 2020
Акција под назив „Држете растојание“ има за цел на најдиректен и визуелно експлицитен начин да ги потсети граѓаните да држат растојание, да избегнуваат гужви, да го намалат ракувањето и да ги минимизираат своите контаки, на тој начин заштитувајќи се себеси и другите за време на пандемијата од коронавирус.
Креаторите на акцијата велат дека преку неа сакаат да ги потсетат граѓаните да ги почитуваат препораките на надлежните државни органи.
„Во оваа ситуација превенцијата е најбитна. Како уметници и активисти не можеме да останеме неми во вакви ситуации и сметаме дека во овие тешки денови секој треба да го прави она што најдобро го знае и да го информира населението за мерките кои треба да се превземаат за самозаштита“, истакнуваат организаторите на акцијата.
Светот се соочува со вирусот COVID-19. Само заедно можеме да се справиме. Борбата против вирусот е одговорност на секој од нас. Бидете дисциплинирани и следете ги препораките на експертите. Грижете се за себе, вашите најблиски и оние околу вас.
Останете дома - спасете го човечкиот живот!
МТМ Телевизија - ПРВА СКОПСКА
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
