Во Скопје втора „Парада на Гордоста“ под слоганот „Вон ѕидовите“
- Детали
- Категорија: Град Скопје
- Создадено: 26 Јуни 2021
Знамето со боите на виножитото се вееше низ центарот на Скопје, на втората по ред „Парада на гордоста“, организирана од Националната мрежа против хомофобија и трансфобија. Стотина учесници парадираа од Жена парк до Градскиот парк во Скопје.
На настанот учество земаа бројни познати лица, меѓу кои естрадни уметници, политичари. Меѓу останатите, присутни беа претседателот Стево Пендаровски со неговата сопруга Елизабета Пендаровска.
Низ скопските улици се носеа и транспарентни на кои беше испишано: „Родители вклучете се, љубов е“, „Љубов вон ѕидовите“, „Иднината е квир“. Учесниците на парадата се забавуваа и пееја додека пешачеа до Градскиот парк. Слоганот на овогодишната скопска парада на гордоста е „Вон ѕидовите!“.
„Прајдот е протест, но и прослава, на која ги реафирмираме надежите за посолидарно, похумано и поправедно општество“, соопштија организаторите.
За во Градскиот парк е најавена и музичка програма, како дел од настанот.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
