Јајоска: Поради неспособноста на Арсовска, Град Скопје останува без печатачи, а граѓаните без документи
- Детали
- Категорија: Град Скопје
- Создадено: 18 Мај 2022
Град Скопје и цела администрација без 31 печатач значи проблем во давањето на редовните услуги, од кои штета ќе имаат граѓаните, физичките и правните лица, изјави Рената Јајоска, членка на ИО на СДСМ и советничка во Советот на Град Скопје.
„Ваквото нејзино неодговорно работење ги остава вработените во Градот без средства за работа, а граѓаните ќе ги остави без потребните документи. Уште еднаш на дело исплива неспособноста на Данела Арсовска и на ВМРО-ДПМНЕ.
Толку е менаџерскиот капацитет. Арсовска и ВМРО-ДПМНЕ не може да менаџираат ниту со канцелариската опрема во Град Скопје, а не да реализираат и некој важен проект за градот и за граѓаните“, рече Јајоска.
Таа додаде дека првите шест месеци од мандатот Арсовска ги поминала во неработење и партизација на Градот, секојденвно докажувајќи дека е најнеспособниот градоначалник што Скопје некогаш го имал.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
