Пoчнува манифестацијата „Карпошово културно лето“

Со програма за најмладите, односно со настапот на гласовите на Златните славејчиња, вечер од 19:30 часот, на платото на ТЦ Лептокарија, почнува 11-тото по ред „Карпошово културно лето“. 

 

Карпошани, а и сите намерници и љубители на добрата музика и забава вечер ќе имаат можност да ги слушнат Дарио Панковски, групата Нон Стоп и Кристина Арнаудова, информираат од општина Карпош.

 

Настанот ќе го води актерот Сашко Коцев, а присутните ќе ги забавува и DJ Тина.

 

Годинашново издание на оваа традиционална културна манифестација ќе го отвори градоначалникот на Карпош, Стефан Богоев, кој ќе ги повика карпошани на забава и музичко дружење со реномирани македонски уметниции во наредните викенд денови, односно до недела 26 август.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.